Flýtilyklar
Fréttir
Húnaþing vestra í 360°
Vefurinn Panoramaland.is er með skemmtilegar 360° myndir af völdum stöðum á Íslandi. Frá Húnaþingi vestra er að finna þrettán myndir af ýmsum stöðum á svæðinu.
Hringvegurinn liggur um Holtavörðuheiði á Vesturlandi og er gott útsýni til Eiríksjökuls á leiðinni.
Borðeyri liggur við Hrútafjörð og var hann einn helsti verslunarstaður Íslands á þjóðveldisöld. Á myndunum má m.a. sjá tjaldsvæðið á Borðeyri, Riishús og Tangahús.
Laugarbakki er lítið þorp í Miðfirði, nærri hringveginum. Í þorpinu er m.a. að finna Grettisból, Spes sveitamarkað, tjaldsvæði og Handverkshúsið Langafit.
Hvammstangi er stærsti þéttbýliskjarni Húnaþings vestra og er aðeins 6km akstur þangað frá þjóðveginum. Á Hvammstanga er að finna ýmsa þjónustu, hvort sem leitað er að gistingu, handverki, selasafni, selaskoðun, banka, pósthúsi, bakaríi, sundlaug, prjónastofu eða öðru því sem gott er að hafa á ferðalagi.
Hvítserk þekkja flestir, enda hefur þessi sérstæði klettadrangur prýtt ýmsar auglýsingar og verið vinsælt myndefni.
Borgarvirki er talið hafa myndast við eldgos og hafi verið notað sem virki á þjóðveldisöld. Flottur staður með gott útsýni í allar áttir.
Kolugljúfur er að finna í Víðidal fyrir neðan bæinn Kolugil. Í gljúfrið fellur Víðidalsá með tveimur tilkomumiklum fossum, Kolufossum.
Skemmtilegar myndir til að skoða áður en haldið er í ferðalag til að sjá fegurðina með berum augum.