Söfn, setur og sýningar

Á Stóru-Ásgeirsá í Víðidal reka þau Magnús og Rannveig, hestaleigu og húsdýragarð.

"Damerne í Riishus" eru með sumarrekstur í Riishúsi á Borðeyri, einu elsta verslunarhúsnæði landsins. Kaffisala, nytjamarkaður og handverkssala.

Handverkshúsið Bardúsa er rekið í gömlu pakkhúsi við höfnina á Hvammstanga og þar er einnig að finna verslunarminjar frá krambúð Sigurðar Davíðssonar.

Grettisból á Laugarbakka er setur tileinkað hetjunni Gretti sterka.

Byggðasafn Húnvetninga og strandamanna stendur við Reykjaskóla í Hrútafirði og er áhugavert safn er varðveitir fjölda merkra muna úr héruðunum við Húnaflóann. Verið velkomin í heimsókn.

Gréta Jósefsdóttir rekur gallerí og vinnustofu heima á Litla Ósi í Miðfirði.

Selasetur Íslands á Hvammstanga er fræðslusetur um seli við Ísland. Þar getur að líta sýningu um seli, líffræði þeirra og sambúð sela og manna. Þar er einnig rekið kaffihús og minjagripaverslun og Upplýsingamiðstöð Húnaþings vestra.