Selaskoðun

Heggstaðanes er á milli Hrútafjarðar og Miðfjarðar og um það liggur mjög skemmtileg gönguleið.

Selasetur Íslands á Hvammstanga er fræðslusetur um seli við Ísland. Þar getur að líta sýningu um seli, líffræði þeirra og sambúð sela og manna. Þar er einnig rekið kaffihús og minjagripaverslun og Upplýsingamiðstöð Húnaþings vestra.

Selasigling ehf. var stofnað þann 25 febrúar, 2010. Eigendur eru Eðvald Daníelsson, Sigurbjörg B. Sölvadóttir, Anna María Elíasdóttir og Kjartan Sveinsson. Saman reka þau ferðaþjónustubátinn Brimil sem gengur frá Hvammstanga.

Við Sigríðarstaðaós liggja of hundruðir sela á sandinum og svamla í ósnum. Alla daga ársins má þar sjá og komast í mikið návígi við selina í sínu náttúrulega umhverfi.

Byggður hefur verið upp mjög góður selaskoðunarstaður á Illugastöðum á Vestanverðu Vatnsnesi.

Góður selaskoðunarstaður er við Svalbarð á vestanverðu Vatnsnesi.